Groëte verbouwing

Terwiel de ganse wereld de gevolge van de corona crisis ondervind, is d’r in de optochhal hard gewerk um alles veiliger te make. In ’t begin van ’t jaor zien we weer de dupe gewaes van diverse inbrake. Samen met PTS-Technische Service hebben we ein degelijke alarmistalatie geïnstalleerd.

Vreejwilligers van de VG de Wortelepin hebben alle poorte veurzeen van metale strippe en staole kabels. De rame in beejveurbeeld de kantine zien veurzeen van tralies, heejmei haope weej minse die neet beej ós huure boete de deur te halde.

Tiedes de letse gebroekersdaag zien we same met diverse vastelaoves groepe gestart met de aanleg van noëdverleechting. In September en Oktober 2020 haet de technische Kemmisie d’r werk van gemak um dit allemaol aan te sloéte.

Auk is d’r aan de brandveiligheid gewerk, de haspels en blussers zien weer gekeurd en gemak. Als ’t ruitje noow wuurd gebraoke zal de sirene gaon.

Daonaeve is de cv- instalatie naogelaupe, zien de tl-balke naogeke en zoeë nudig de starters of armatuure vervange.

Tot slot is ’t plafond in de kantine auk weer hersteld, dus idderein kin weer in een verzörgde kantine aan de pekskes werke of schafte en koffiedrinke onder ’t bouwen.

Met dank aan alle vreejwilligers die heej werk van gemak hebben.