Idderein binne de gemeinte Groët Venlo kin en meug gebroëk make van de Optochhal.
Nao Aswoensdaag kinne groepe via ’t invölle van ’t inschriëfformulier, verkriëgbaar via de sikkertaris van de Stichting Optochhal Groët Venlo aangaeve det zeej wille gaon bouwe. Nao verkrege toestumming wuurt óch door OGV ’n bouwplaats aangeweze.
Äöpeningstieje zien (nao euverleg) op:
Maondaag, woensdaag en vriëdaag: 19.00 toet 22.30 oor
Zaoterdaag: 09.00 toet 16.00 oor
Andere äöpeningstieje waere door OGV aangegaeve en zien in ónderling euverleg meugelik te regele.
Gezeen de hoëge energiekoste zal de bouwhal door de gemeinte vorsvreej waere gehalde. Idderein dae bouwt in de Optochhal, betaalt per seizoen ’n bedraag (€ 250,-). Dees koste, zulle door OGV idder jaor opniej bepaold waere en in de maond maart aan de gebroëkers van de bouwhal bekind waere gemak.
De heur mót waere euvergemak op raekeningnummer NL39RABO 01664.33.020 t.n.v. Stichting Optochhal Groët Venlo o.v.v. huur optochhal.
Beej óneigelik gebroëk, ’t verwaarloze van de bouwplaats en ’t achterlaote van rómmel, kin de borgsóm waere ingehalde.
Wilt geej bouwe, neem dan kontak op met de vertaegewaordiger van óg stadsdeil.
Taeves mót iddere bouwer ’n borgsóm (€ 250, -) storte, die OGV nao beëindige van de bouwactiviteite zal truukstorte.
Idderen krieg in principe ’n bouwvergunning veur ein periode.
’t Gebroëk van de hal is veur eige risico en verantwaording van de gebroëker.
Iddere gebroëker deent alles in ’t werk te stelle um de veiligheid op en rónd de wages zoëvuuël meugelik te garandere.
De bouwplaats deent vreej te zien van aafval en regelmaotig (leefs nao idder gebroëk) gevaeg te waere.
